آوا  - مزارشریف: دغه مرستې چې خام مواد لکه غنم، اوړه، غوړي او شیدې په کې شاملې دي، پرون (حمل ۲۲) د بلخ سیمه ییزو چارواکو ته وسپارل شوې.

 

د بلخ سیمه ییز چارواکي ټینګار کوي چې د دغو مرستو د سپارلو پر مهال د افغانستان خلک باید ونیول شي.

 

د بلخ مرستيال والي نورالهديٰ ابودريس وويل، چې د افغانستان خلک له څلورو لسيزو جګړو وروسته مرستو ته اړتيا لري او له ګاونډيو هېوادونو او نړۍ يې وغوښتل، چې د افغانستان له خلکو سره مرسته وکړي.

 

د قزاقستان سفیر حلیم خان یاسین ګولدیوف د مرستو د سپارلو پر مهال وویل چې له افغانستان سره د دغه هېواد بشري مرستې دوام لري.

 

باید وویل شي، چې د دغو مرستو ۳۵ واګونونه نن د هریتان بندر ته داخل شوي او ټاکل شوې ده، چې سبا به د دغو مرستو ۴۶ واګونونه دغه بندر ته راورسېږي.