د ځمکو د غصب د مخنیوي او بېرته راګرځولو کمېسیون مسوولین وايي، د دې ادارې د کار له پیل راهیسې په ټول افغانستان کې شاوخوا ۵۰۰ زره جریبه غصب شوې ځمکې بېرته راګرځول شوې دي.

آوا - کابل: دغه اداره زیاتوي چې په کابل کې د یو شمېر هستوګنې د څېړنې لړۍ هم روانه ده او تر اوسه یوازې په پلازمېنه کې څه باندې شپاړس سوه جریبه ځمکه د غاصبینو له منګولو خلاصه شوې ده.
 
د ځمکو د غصب او غصب د مخنیوي کمیسیون ویاند عبدالحمید جهانیار وایي، د پلازمینې په نورو برخو کې هم د ځمکو د غصب په اړه څیړنې روانې دي.
 
په دې اړه ښاغلي جهادیار طلوع نیوز ته وویل: "ټوله ۵۰۰ زره جریبه ځمکه بېرته راګرځول شوې چې له دې جملې څخه ۱۶۴۹ جریبه په کابل کې ده او څېړنې روانې دي."
 
خو د کابل په ختيځ کې د يوې هستوګنې خاوند د خپلې هستوګنې د څېړنې هرکلى کوي او وايي چې له دغه کمېسيون سره بشپړې همکارۍ ته چمتو دي.
 
د ځمکو د غصب د مخنیوي او د غصب د مخنیوي کمیسیون د ۱۴۰۱ کال په نیمایي کې د اسلامي امارت د مشر د فرمان په اساس جوړ شو، چې موخه یې د ځمکو د غصب مخنیوی او بیرته دولت ته سپارل دي.