د لوړو زده کړو وزارت سرپرست ندا محمد ندیم په کابل کې د پاکستان له سرپرست سفیر محمد جنید وزیر سره په کتنه کې له دغه هېواده وغوښتل چې په پاکستان کې د افغان محصلینو ستونزې هوارې کړي.

آوا - کابل: د لوړو زده کړو وزارت د یوې خبرپاڼې په خپرولو سره ویلی چې د دغه وزارت سرپرست ندا محمد ندیم په کابل کې د پاکستان له سرپرست سفیر محمد جنید وزیر سره په لیدنه کې په پاکستان کې د افغان محصلینو د ستونزو د حل غوښتنه کړې ده.
 
په دې کتنه کې د لوړو زده کړو وزارت سرپرست له پاکستان څخه د افغان محصلانو لپاره د وړیا بورسونو غوښتنه وکړه.
 
له بلې خوا په کابل کې د پاکستان سفير ډاډ ورکړ چې د افغان محصلينو د ستونزو د هواري او د دواړو هېوادونو ترمنځ د علمي اړيکو د لا پراختيا لپاره هڅې کوي.