آوا - له ایران سره پولې ته څېرمه څلور پاکستاني پوځیان وژل شوي دي

له ایران سره پولې ته څېرمه څلور پاکستاني پوځیان وژل شوي دي

د پاکستان پوځ اعلان وکړ چې د ایران له اسلامی جمهوریت سره په پوله کښې د دغه هېواد د امنیتی ځواکونو په کاروان باندې د ترهګرو د حملې په نتیجه کښې د دغه هېواد څلور پوځیان وژل شوی دی.

آوا - کابل: د پاکستان د پوځ د خبرپاڼې له مخې، د پاکستان پوځی ځواکونه د بلوچستان ایالت د کیچ ښار په جلګی سرحدی سیمه کې په ورځنۍ ګزمه بوخت وو چې د وسله والو له خوا پرې برید وشو.

تر اوسه کومې ډلې د دې برید مسوولیت نه دی منلی.

د پاکستان پوځ وویل، "د ترهګرو یوې ډلې د پاکستان د امنیتي ځواکونو پر یوه سرحدي کاروان برید وکړ چې د ایران او پاکستان په پوله کې ګزمې کوي."

د دغه بیان له مخې پاکستاني چارواکي له ایراني چارواکو سره تماسونه او خبرې کوي څو په راتلونکي کې د دا ډول بریدونو مخه ونیول شي.

پاکستان او ایران ۹۵۹ کیلومتره ګډه پوله لري او له دې وړاندې هم د دواړو هېوادونو ترمنځ ورته ګڼې امنیتي پېښې شوې دي.