آوا: هند به خپل ملي پولي واهد هغو هېوادونو ته د سوداګرۍ لپاره د بدیل په توګه وړاندې کړي چې په وروستیو لسیزو کې د امریکا د مرکزي بانک له سختو پولي سیاستونو وروسته د ډالرو له کمښت سره مخ دي.
د نړیوالو رسنیو د راپورونو پر بنسټ، د هند د سوداګرۍ وزیر سنیل بارتوال د جمعې په ورځ، د مارچ په 31 په نوي ډیلي کې وویل چې په روپۍ کې د سوداګرۍ اسانتیا به د هغو هیوادونو سره مرسته وکړي چې د ناورین په وخت کې د پیسو د خطر سره مخ دي.
په عین حال کې امریکا تل د تبادلې د نرخونو په بدلولو، د خپلو ملي اسعارو د ارزښت په ټیټولو او د انفلاسیون په رامنځ ته کولو سره پر خپلو نړیوالو سیالانو فشار راوړي، چې د مثال په توګه یې د ایران، ترکیې او یو شمیر هیوادونو د ملي اسعارو د ارزښت ټیټوالی یادولای شو.
د هند د حکومت یوه چارواکي ادعا کړې، چې سریلانکا، بنګله دېش او مصر د امریکايي ډالرو له کمښت سره مخ دي او له هندي روپیو سره یې سوداګرۍ ته لېوالتیا ښودلې ده.
د ډالرو کمښت د سریلانکا په مجبورولو کې رول لوبولی چې تیر کال خپل پور ادا کړي، پداسې حال کې چې بنګله دیش پدې وروستیو کې د پیسو نړیوال صندوق څخه پور اخیستی ترڅو خپلې زیرمې لوړ کړي.
قمبر علي رضايي چې د اقتصادي چارو کارپوه او په مسکو کې د اقتصاد په برخه کې د پی ایچ ډي محصل دی، د آوا خبریال ته وویل: «که څه هم امریکايي ډالر په تیرو څو لسیزو کې د نړۍ په سوداګرۍ او د پانګې په جریان کې خپل تسلط ساتلی دی. خو اوس یو شمېر هېوادونه پر امریکا د خپل انحصار د کمولو لپاره د ډالرو پر وړاندې د بدیل په لټه کې دي.
هند هڅه کوي چې په روپۍ کې د تجارت او په دې لار کې د نورو اقداماتو وړاندیز کولو سره روپۍ نړیوال کړي ترڅو د ډالر غوښتنې کمولو سره خپل اقتصاد د نړیوال بحران څخه خوندي کړي.
د راپورونو له مخې پر روسیې سربېره افریقايي هېوادونه او د فارس خلیج سیمې هېوادونه هم لېواله دي چې له خپلو ملي اسعارو سره تجارت وکړي.
دریافت صفحه با کد QR