آوا: هندي چارواکو ویلي، چې دغه پېښه د مدهیا پردیش ایالت په اندور سیمه کې رامنځ ته شوې ده.

 

ویل کېږي چې له دغه معبد څخه د ۳۵ هندو عبادت کوونکو جسدونه ایستل شوي دي.
 

هغه زیارت کوونکي چې په دې معبد کې یې د رام نومي په مراسمو کې برخه اخیستې وه، د دې معبد د نړېدو له امله مړه شول.

 

ځايي چارواکي وايي چې دغه معبد دومره ګڼه ګوڼه نه شوای ځایولای.

 

له سلو څخه زیاتو ژغورونکو د پیدا شوي کندې څخه د اوبو له ایستلو وروسته د ۳۵ کسانو جسدونه را ایستلي دي. ویل کیږي چې ځیني لادرکه هم دي.