د اسلامي امارت د بهرنیو چارو وزارت اعلان وکړ چې د پاکستان له زندانونو څخه تر ۱۸۰۰ زیات افغان بندیان خوشي شوي دي.

آوا - کابل: د افغانستان د اسلامي امارت د بهرنیو چارو وزارت مطبوعاتي دفتر اعلان کړی چې په اسلام آباد کې د افغانستان سفارت او په کراچۍ کې د افغانستان د قونسلګرۍ د هڅو په پایله کې ۱۹۰ تنه افغان بندیان له بنده خوشې شوي.
 
د بهرنیو چارو وزارت د ویاند مرستیال تکل په وینا، د اسلامي امارت په هڅو او د حکومت په لګښت ۱۸۹۳ تنه افغانان د پاکستان له بېلابېلو زندانونو خوشې شوي دي.
 
د يادونې وړ ده، چې په تېرو مياشتو کې په پاکستان کې له افغاني اسنادو پرته د کډوالو نيول ډېر شوي وو.