د اسلامي امارت د اطلاعاتو او کلتور وزارت مسؤلین وايي، د افغان ولس د جهاد د ژوندي ساتلو په موخه یې د افغان ولس د جهاد د ارزښتونو د ساتنې تر سرلیک لاندې دفتر جوړ کړی دی.

آوا - کابل: د اطلاعاتو او کلتور وزارت د کلتوري چارو مرستیال مولوی عتیق الله عزیزی ملی دولتی ټلویزیون ته وویل، په تیرو شلو کلونو کې ۵۰ بهرنیو هیوادونو پر افغانستان یرغل وکړ او د افغانستان پر خلکو یې ظلمونه وکړل، خو د افغانستان مجاهد ولس د دغو يرغلګرو په وړاندې جهاد پيل کړ، اوس اړتیا ده چې دا لاسته راوړنې په یادونو کې پاتې شي او تل پاتې شي. "
 
په ورته وخت کې یو شمېر پوهان د جهادي ارزښتونو ساتنه او انتقال راتلونکي نسل ته د افغان حکومت او خلکو لپاره یو رسالت ګڼي.
 
د یادولو وړ ده چې د اسلامي امارت سیاسي کمیسیون له هر اړخیزې ارزونې او مطالعې وروسته د جهادي ارزښتونو د ساتنې طرزالعمل تصویب کړ. جهاد هغه وياړ دی چې په دې وروستيو لسيزو کې د افغانستان خلکو په دې وتوانېد چې په دغه ارزښت سره په خپلو پښو ودرېږي.