د طبیعي پېښو پر وړاندې د مبارزې وزارت وايي، د هېواد په ۲۳ ولایتونو کې د وروستیو سیلابونو له امله ۹ تنه مړه او ۷۴ نور ټپیان شوي دي.

آوا - کابل: له طبیعي پیښو سره د مبارزې وزارت سرپرست محمد عباس اخند وايي، په ۲۳ ولایتونو کې د سیلابونو له امله ۹ تنه مړه شوي او ۱۷۷۹ کورونه ویجاړ شوي دي.
 
د دغه وزارت د مشر په وینا، څه باندې شل زره جریبه کرنیزه ځمکه هم له منځه تللې ده.
 
په همدې حال کې یو شمېر سیلاب ځپلي له سرپرست حکومت او مرستندویه بنسټونو څخه د مرستې غوښتنه کوي.
 
ويل کيږي چې د دغو سيلابونو له امله د استوګنې ١٧٧٩ کورونه په بشپړه او جزوي توګه ويجاړ شوي او د ٢٢ زره جريبه کرنيزې ځمکې فصلونه هم له منځه تللي دي.
 
د يادونې وړ ده، چې په تېرو دوو اوونيو کې هېواد د سېلابونو او زلزلې په څېر د طبيعي پېښو شاهد و.