آوا - کابل: د افغانستان مرکزي بانک نن پنجشنبه د کب ۲۵ مه د یوې خبرپاڼې په خپرولو سره له مستحقو بانکونو او د پیسو د تبادلې او پیسو د خدمتونو له شرکتونو غوښتي چې په دغه داوطلبۍ کې ګډون وکړي.

 

د افغانستان مرکزي بانک ویلي چې د لیلام ګټونکي مکلف دي چې د لیلام د ورځې تر پایه خپل حسابونه تصفیه کړي.

 

دغه بانک ویلي چې د اسعارو د لیلام په داوطلبۍ کې د راکړې ورکړې جزوي تصفیه اجازه نه لري، د داوطلبۍ ګټونکي مکلف دي چې د یوې ټاکلې مودې په اوږدو کې خپلې د راکړې ورکړې پیسې د نغدو پیسو په بڼه د افغانستان مرکزي بانک ته وسپاري.

 

په همدې حال کې د افغانستان مرکزي بانک هم ۱۶ میلیونه امریکايي ډالره د لیلام له لارې وپلورل.