آوا - کابل: پرون سه شنبه (د کب ۱۶مه) مرکزي بانک د یوې خبرپاڼې په خپرولو سره ویلي چې دغه بانک د هر هغه اصولي اقدام ستاینه کوي چې په هېواد کې د اسعارو د راوړلو او په ټولنه کې له اړو کسانو سره مرسته کوي.

 

دغه بانک وايي، د هېواد د بانکدارۍ سکټور د لا پياوړتيا او پياوړتيا لپاره خپلو هڅو ته دوام ورکوي.

 

مرکزي بانک د نړيوالې ټولنې د مرستو د ستاينې په ترڅ کې هيله لري چې دغه مرستې به د بانکدارۍ له لارې برابرې شي.

 

دغه بانک په یوه بله خبرپاڼه کې همداراز ویلي چې د چهارشنبې په ورځ کب ۱۷ مه په ۱۶ میلیونه امریکايي ډالرو لیلام کړي.

 

مرکزي بانک د وړ بانکونو او د تبادلې او پیسو خدماتو شرکتونو څخه غوښتنه کړې چې په دې داوطلبۍ کې برخه واخلي او د لیلام ګټونکي مکلف دي چې د لیلام ورځې تر پایه خپل حسابونه پاک کړي.