آوا - کابل: د کورنیو چارو وزارت د شنبې په ورځ د حوت ۱۳مه خپل ټویټر کې لیکلي چې ۱۴۳ تنه یې د قتل، غلا، زنا او نورو جرمونو په تړاو نیولي او ۲۵ میله بېلابېل ډوله وسلې یې نیولي دي. له نيول شويوکسانو څخه د راکټ شاجور، ١٢٥٠ دثقيله مرمۍ، ١٥٩٠ د کلاشينکوف مرمۍ، دوه عرادې موټرسايکلونه او يو شمېر نورې وسلې او مهمات ترلاسه شوي دي.

 

د کورنیو چارو وزارت دغه راز زیاته کړې، چې د نشه يي توکو د قاچاق او پلور په تړاو یې ۴۵ نور کسان هم نیولي، چې له دوی څخه په زیاته اندازه هیروین، شیشه، چرس، الکولي مشروبات او کیمیاوي مواد ترلاسه شوي دي.

 

په ورته وخت کې پولیسو د هېواد په ۷ ولایتونو کې ۲۱ تنه د بېلابېلو جنايي جرمونو په تړاو نیولي دي.

 

په دوی کې ۵ تنه د خوست، ۵ تنه د بدخشان، ۳ تنه په کابل کې، ۳ تنه په غلا او ۳ تنه له فاریاب څخه، ۳ تنه په قتل او د څارویو په غلا، یو تن له کندهار او یو تن د موټر په غلا کې لاس لري. د کندوز په شېرخان بندر کې ۶۰ زره ساماني سکې د قاچاق سره تړلې دي.

 

دا په داسې حال کې ده چې په دې وروستيو مياشتو کې په هيواد کې دامنيت ضد جنايتونه زيات شوي دي خو داسلامي امارت چارواکو تل په ټول هيواد کې دامنيت دتامينولو اعلان کړى دى .