د اطلاعاتو او کلتور وزارت سرپرست په هغه خبري غونډه کې چې د افغانستان د خبريالانو د فدراسيون او د رسنيو د بنسټونو له خوا د رسنيو د پياوړتيا د لارو چارو د څيړنې په مقصد جوړه شوې وه وويل چې رسنۍ بايد د دولت د تخريب پر ځاى د دولت شريکان وي او د هېواد د ملي ګټو لپاره کار وکړي.

آوا - کابل: د اطلاعاتو او کلتور وزارت سرپرست عبدالحق حماد په هغه غونډه کې چې نن پنجشنبه د کب په ۱۱مه د افغانستان د خبریالانو او رسنیو د فدراسیون له خوا جوړه شوې وه وویل. په هیواد کې د رسنیو د پیاوړتیا لارې چارې ولټوئ، اسلامي امارت له رسنیو سره ښه اړیکه لري او د رسنیو وضعیت د ۲۰۲۱ کال په پرتله په ۲۰۲۲ کال کې پیاوړی شوی دی.
 
حماد د رسنیو مالیاتي جرمونو ته په اشارې سره وویل: د دوی لاسته راوړنې په ۲۰۲۲ کې د رسنیو له مالیاتي جرمونو څخه معافیت دی چې یو لوی امتیاز دی.
 
نوموړي زیاته کړه، چې په دې اړه یې له وزارتونو سره خبرې کړې دي او هر وزارت دنده لري، چې معلومات رسنیو ته ورکړي.
 
د اطلاعاتو او کلتور وزارت د خپرونو رييس له رسنيو وغوښتل چې له دغه وزارت او حکومت سره همکاري وکړي او د نورو هېوادونو د ګټو پر ځاى د افغانستان د ملي ګټو لپاره کار وکړي.
 
ښاغلي حماد زیاته کړه: داطلاعاتو اوفرهنګ وزارت ژمنه کوي چې هیڅ ارګان ته به اجازه ورنکړي چې دخبریالانو له نومونو څخه کار واخلي او دهغوی حقونه به تر پښو لاندې نه کړي لکه څنګه چې دجمهوري ریاست په شل کلنه موده کې شوي وو.
 
په همدې حال کې د افغانستان د خبريالانو او رسنيو د فدراسيون غړي تاج محمد احمدزاده هم ١٤٠١ لمريز کال د هېواد د رسنيو لپاره له کړاوونو ډک کال وباله او ويې ويل چې د تېر کال پېښو د هېواد لپاره نوې اندېښنې پيدا کړې دي.
 
هغه زياته کړه، چې په تېر کال کې د رسنيو پر وړاندې ١٣٧ بېلابېلې پېښې ثبت شوې، چې له دې جملې څخه يې ٥٦ نيول، درې د رسنيو ځنډول او يوه پر رسنيو بريد مهمې پېښې دي.
 
احمدزاده وويل، د ۲۰۲۱ کال په پرتله په ۲۰۲۲ کال کې رسنيو ښې لاسته راوړنې درلودې، چې په کې ۶ غږيزې رسنۍ او ۱۰ خبري اژانسونه شامل دي.
 
په همدې حال کې د تمدن ټلویزیون مسؤول محمد رحمتي وویل: د اسلام مبارک دین او قران کریم د بیان د ازادۍ اساس دی او د رسنیو فعالیتونه باید د هغه څه پر بنسټ وي چې معلوم او په چوکاټ کې وي.
 
هغه زياته کړه، چې د اطلاعاتو او کلتور وزارت د رسنيو د څارنې مسئوليت لري او ټول واک او صلاحيتونه بايد د استخباراتي بنسټونو پر ځاى دغه وزارت ته ورکړل شي.