د اطلاعاتو او کلتور وزارت د نشراتي چارو مرستیال مهاجر فراهي دننګرهار ولايت ته ديو سفر په ترڅ کې له رسنيو سره په يوه علني غونډه کې وويل چې ددوى ستونزې او ننګونې به په ځانګړې توګه د حقوقو په برخه کې حل کړي.

آوا - کابل: د اطلاعاتو او کلتور وزارت د نشراتي چارو مرستیال مهاجر فراهي چې په ختیځ زون کې د رسنیو د ستونزو او ننګونو د څیړلو په موخه ننګرهار ته تللی، نن په یوه علني بحث کې په هغه غونډه کې چې په جلال آباد ښار کې د خبريالانو او رسنيو له خلکو سره جوړه شوې وه، ګډون يې وکړ.
 
د باختر خبري آژانس دخبريال دخبرله مخې: په دې کتنه کې يو شمير مسئولينو او خبريالانو خپلې ستونزې په تيره بيا اطلاعاتو ته دلاسرسي په برخه کې مطرح کړې او دهغې دحل کولو غوښتنه يې وکړه .
 
د اطلاعاتو او کلتور وزارت د خپرونو وزیر دغه راز ډاډ ورکړ، چې شته ستونزې او ننګونې به ورسره حل شي.
 
هغه ټینګار وکړ چې د اطلاعاتو او کلتور وزارت یوازینی واک دی چې د رسنیو او خبریالانو د ستونزو د هواري لپاره کار کوي.
 
دا په داسې حال کې ده چې د اسلامي امارت له واکمنۍ وروسته اطلاعاتو ته د لاسرسي حق محدود شوی او له همدې امله خبریالان له ګڼو ننګونو سره مخ شوي دي.