آوا - کابل: د کابل ښاروالۍ وايي چې د سړې هوا له امله د ځینو ساختماني پروژو په ځانګړي ډول د سړک جوړونې د پروژو کارونه په ټپه دریدلي وو، خو دا بیا پیل کیږي.

 

د کابل ښاروالۍ په وینا، د ساختماني معیارونو سره سم د زیربنایي پروژو د ښه کیفیت د تضمین په موخه؛ څه موده وړاندې مسوولینو ته لارښوونه شوې وه، چې د هوا تر ښه کېدو پورې دې په موقتي ډول بټومین او کانکریټ نه کېږدي.

 

کابل ښاروال زیاته کړه: په پام کې ده چې په راتلونکې اونۍ کې د ګڼو پروژو د بټومین او کانکریټو اچولو چارې پیل شي.