آوا - کابل: په کابل کې د ایران د اسلامی جمهوریت سفارت اعلان کړی چې په ننګرهار کې د افغانستان د خاتم الانبیاء د شکرې ناروغۍ مرکز د بیارغونې او تجهیز چارې د دغه هېواد له خوا بشپړې شوې او دغه طبی مرکز به ډیر ژر پرانستل شي.

 

په کابل کې د ایران د اسلامي جمهوریت سفارت نن (پنجشنبه، کب ۴) په یوه ټوېټ کې ویلي، چې په ننګرهار ولایت کې د افغانستان د خاتم الانبیاء د شکرې ناروغۍ د مرکز د جوړولو او روزنې په موخه یو افغان طبي ټیم ایران ته استول شوی دی.

 

خو تیره اونۍ د ایران د اسلامي جمهوریت د روغتیا وزیر د اسلامي امارت د عامې روغتیا وزارت له سرپرست سره په کتنه کې د دواړو هیوادونو ترمینځ د روغتیا په برخه کې دوه اړخیزه همکاري اړینه وبلله او ویې ویل: په بامیان کې د زړه د ناروغیو د ۲۰۰ بستریز روغتون چارې بشپړې شوې او ډېر ژر به ورته تجهیزات ولېږدول شي.