آوا - کابل: د پاکستان د بهرنیو چارو کې د دولت وزیره حنا رباني کهر وايي، د افغانستان روان وضعیت او د ترهګرۍ په ګډون نور مسایل له افغانستان سره د دغه هېواد په سوداګریزو اړیکو کې ننګونې رامنځته کړي دي.

 

د پاکستان د بهرنیو چارو کې د دولت وزیره د پاکستان د ستراتیژیکو سرحدونو په نوم په یوه نړیواله غونډه کې ویلي چې د افغانستان اوسنی وضعیت له منځنۍ اسیا سره د هغه هېواد سوداګري ستونزمنوي.

 

د پاکستان د بهرنیو چارو وزارت دغه چارواکی وايي چې افغانستان د منځنۍ اسیا له هېوادونو سره د پاکستان د سوداګرۍ په پراخولو کې مثبت اغېز لري.

 

حنا رباني کهر دا هم وویل: "افغانستان د پاکستان د اقتصادي لید د درک کولو لپاره ډیری فرصتونه برابروي چې د سوداګرۍ او انرژۍ په مرکز بدل شي، او د سویلي، مرکزي او ختیځې آسیا سیمې یوځای کړي." "مګر اوسني سیاسي وضعیت، د ترهګرۍ ګواښونو سره یوځای، د دې سیمې شاوخوا هیوادونو لپاره ننګونه رامینځته کړې."

 

په هجري لمریز کال کې افغانستان د یو میلیارد ډالرو په ارزښت توکي بهر ته صادر کړي چې له دې جملې څخه شاوخوا ۷۴۴ میلیونه ډالر یوازې پاکستان ته صادر شوي دي.