د ایران د بهرنیو چارو وزیر امیر عبداللهیان د پاکستان د بهرنیو چارو له وزیر بلاول بوټو زرداري سره په کتنه کې د افغانستان د پرمختګونو په اړه د کتنې په ترڅ کې په دغه هېواد کې د حکومت د پېژندنې لپاره د یوه ټول شموله حکومت د جوړولو اړتیا د اساسي حل په توګه وګڼله.

آوا - کابل: د ایران د بهرنیو چارو وزیر حسین امیر عبداللهیان د پاکستان د بهرنیو چارو له وزیر بلاول بوټو زرداري سره د لیدنې خبر ورکړی او ویلي یې دي چې افغانستان د ایران او پاکستان ګډه اندیښنه ده.
 
دا غونډه پرون (سه شنبه، دلو ۴) د ازبکستان په پلازمېنه تاشکند کې د ایکو د وزیرانو شورا د غونډې په څنډه کې جوړه شوه.
 
عبداللهیان په یوه ټویټ کې لیکلي چې له بوټو سره د سوداګرۍ، ټرانزیټ، سیاحت او نړیوالې سیمه ییزې همکارۍ په برخه کې موافق دی.
 
هغه وویل چې ډیر ژر به د پاکستان او ایران ترمنځ نوی سرحدي بازار جوړ شي.
 
عبداللهیان ټینګار وکړ چې افغانستان لا هم زموږ ګډه اندیښنه ده.
 
د ایران د بهرنیو چارو وزارت هم په یوه بیان کې ویلي چې عبداللهیان او بوټو په افغانستان کې د پرمختګونو د بیا کتنې پر مهال په افغانستان کې د حکومت په رسمیت پېژندلو او د "د سولې د ټینګښت پر اهمیت" د یوه اساسي حل په توګه د یوه ټول شموله حکومت د جوړولو اړتیا وارزوله. په دې برخه کې د افغانستان د ګاونډیو هېوادونو او نورو لوبغاړو ترمنځ د شته اجماع یادونه وشوه.
 
د ایران د بهرنیو چارو وزیر هم د اکو په غونډه کې په افغانستان کې د یوه ټول شموله حکومت پر جوړولو ټینګار کړی دی.
 
هغه وويل: بې له شکه په افغانستان کې د ټول شموله حکومت جوړول نه يوازې د مرستو له پروګرامونو او د هېواد له بيارغونې سره مرسته کولى شي، بلکې د سيمې لپاره د تروريستي فعاليتونو، کډوالو او د نشه يي توکو د قاچاق له امله رامنځته شوي ګواښونه به هم راکم کړي.