د اسلامي امارت د بهرنیو چارو وزارت د ویاند مرستیال په افغانستان کې د ترکیې له سفیر جهاد ارگینای سره د بهرنیو چارو وزارت سرپرست مولوي امیرخان متقي د لیدنې خبر ورکړی دی. د هغه په وينا، په دې کتنه کې ارګ د بهرنيو چارو وزارت مخې ته د شوې چاودنې په اړه له مولوي متقي سره د حکومت خواخوږي څرګنده کړه.

آوا: د اسلامي امارت د بهرنیو چارو وزارت د ویاند مرستیال حافظ ضیا احمد تېره شپه (جدی ۲۴) د یوې اعلامیې په خپرولو سره ویلي چې ښاغلي ارګينا د طالبانو د برید په اړه د خپل حکومت خواشیني څرګنده کړې ده.
 
هغه وویل، په راتلونکو څو ورځو کې به له ترکیې څخه د بشري مرستو اوومه جوپه افغانستان ته راورسېږي او دا مرستې به دوام ولري.
 
متقي همداراز د ترکیې له بشري مرستو مننه وکړه او د ویزو ورکولو او د دواړو هېوادونو ترمنځ یې د سیاسي اړیکو پر پیاوړتیا خبرې وکړې.
 
ترکیه یو له هغو هیوادونو څخه دی چې د اسلامي امارت له واک ته رسیدو وروسته یې په کابل کې خپل سفارت ساتلی، خو د اسلامي امارت حکومت په رسمیت نه پیژني.