د بادغیس ولایت امنیتي چارواکي وايي چې په دغه ولایت کې د بې ساري سړې هوا له امله د ژمي په سړه هوا کې د زیانمنو خلکو د ستونزو د هواري لپاره ټول لازم تدابیر نیول شوي دي.

آوا - هرات: د بادغیس د والي ویاند صدیق الله صدیقي د آوا له خبریال سره په خبرو کې وویل چې امنیتي ځواکونه د عامې روغتیا ریاست سره په همغږۍ د بادغیس ولایت په ټولو ولسوالیو او مرکز کې د دغه ولايت د ترانسپورت مديريت د ښاريانو د ستونزو د هواري په موخه يوه ځانګړې ډله جوړه کړې ده.
 
هغه دغه راز زياته کړه: له نېکه مرغه په ​​بادغيس ولايت کې د وروستيو واورو د اورښت له امله چاته ځاني او مالي زيان نه دى اوښتى.
 
صديقي دغه راز څرګنده کړه: د زياتې واورې د اورښت له امله د "بند سبزک" لاره چې د هرات ولايت له بادغيس ولايت سره نښلوي، تړل شوې وه، خو د چارواکو په هلو ځلو د مازيګر له يوې تر څلورو بجو پورې د مسافرو پر مخ پرانيستل شوه.
 
د بادغیس د پولیسو ویاند همداراز زیاته کړه: د بادغیس ولایت په مرکز او ولسوالیو کې د امنیتي ځواکونو ۹۰ تنه منسوبین د خلکو د ستونزو د هواري په موخه په لازمو امکاناتو ګمارل شوي دي.
 
بادغیس ولایت د هېواد په شمال لوېدیځ کې یو له یخو ولایتونو څخه دی چې د هېواد په شمال کې له فاریاب او په لوېدیځ کې له هرات سره ګډه پوله لري.