د اسلامي امارت ویاند ذبیح الله مجاهد افغانستان ته د ملګرو ملتونو د بشري مرستو په چارو کې د ملګرو ملتونو د سرمنشي د مرستیال د راتلوونکي سفر په غبرګون کې ویلي چې د ملګرو ملتونو د دغه چارواکي سفر د خبرو اترو په برخه کې ګټور دی او باید دوام ومومي.

آوا - کابل: ټاکل شوې چې په نږدې راتلونکې کې د ملګرو ملتونو د بشردوستانه چارو لپاره د ملګرو ملتونو د سرمنشي مرستیال مارتین ګریفیتس افغانستان ته سفر وکړي.
 
په افغانستان کې د ملګروملتو د سازمان د دفتر مرستیاله رمیز الکبروف وايي چې د ملګروملتونو دغه لوړ رتبه چارواکی په افغانستان کې د ښځو د کار د ممانعت په اړه د اسلامي امارت له مشرانو سره خبرې کوي.
 
ښاغلی الکبیروف زیاتوي چې د دغه سفر موخه په مرستندویه موسسو کې د ښځو د کار د مسئلې حل کول دي.
 
رمیز الکبیروف وویل: د ملګرو ملتونو د بیړنیو حالاتو او مرستو د چارو همغږي کوونکی به افغانستان ته سفر وکړي او هلته به څو سفرونه وکړي او موږ په پام کې لرو چې له لوړ پوړو چارواکو سره خبرې وکړو او په افغانستان کې د دغه وضعیت د حل په موخه کابو کړو.
 
د یوناما دغه چارواکی دا هم وايي، چې اوس مهال په ادارو کې ۳۰ سلنه مرستندویه کارکوونکي د ښځو له خوا تنظیمیږي او نارینه نه شي کولای په دغو ادارو کې د ښځینه کارکوونکو ځای ونیسي. د هغه د څرګندونو پر بنسټ، افغانستان اوس سمدستي بشري مرستو ته اړتیا لري.
 
رمیز الکبیروف زیاته کړه: د خلکو بشري اړتیاوې خورا لویې دي او اړینه ده چې هلته پاتې شي او خلکو ته یې برابر کړي.
 
هغه وویل، هغه برخه چې موږ خلکو ته دا بشردوستانه مرستې چمتو کوو اوس هم زموږ لپاره خورا مهم دی چې د ښځو او نجونو حقونه چې موږ یې په دې ورځو کې ډیرې خبرې کوو، په بشپړه توګه درناوی او ساتنه کوو.
 
کابل افغانستان ته د ملګرو ملتونو د دغه لوړ پوړي چارواکي د سفر ستاینه کوي او وايي چې ملګري ملتونه باید له افغانانو سره خپلو بشري مرستو ته دوام ورکړي.
 
د اسلامي امارت ویاند ذبیح الله مجاهد وايي چې په دې برخه کې به خبرې اترې ډیرې ګټورې وي.
 
  مجاهد دا هم وايي، چې که د دوی استازی کابل ته راشي، ښه به وي، ځکه چې د رامنځته شویو ستونزو په اړه به له نږدې خبرې وکړي او قناعت به ورته برابر شي او په ګډه به د دې خلا د ډکولو او د ستونزو د حل لپاره د نظرونو تبادله وکړو.
 
د بې سرحده ډاکټرانو موسسې د افغانستان لپاره د ملګرو ملتونو د بشري حقونو ځانګړي رپورټر ریچارډ بینیټ او د اروپايي ټولنې د بهرنۍ پالیسۍ مسوول جوزپ بوریل د اسلامي امارت په وروستۍ پرېکړه چې د ښځو پر کار بندیز لګولی، نیوکه کړې ده.