ښاریانو په کابل ښار کې د ژمي د لومړۍ واورې د اورېدو هرکلی کړی، دوی وايي چې واورې ورېدو په پلازمېنه کې د هوا ککړتیا کمه کړې او خلکو ته د وچکالۍ د کمولو لپاره ښه پیغام دی، خو دوی په دې باور دي چې دا واوره د هغو کسانو لپاره نه ده د ځان ګرمولو لپاره څه نه لري.

آوا - کابل: د ټولنیزو چارو کارپوه احمدضیا نیکبین له آوا سره په مرکه کې وویل: د خلکو خراب اقتصادي وضعیت او د ژمي د سونګ موادو کمښت ته په پام سره، واوره د خلکو لپاره یو ناورین دی، خو دا د وچکالۍ د کمولو لپاره یو ښه پیغام دی.
نیکبین زیاته کړه، چې د افغانستان ډېری ولایتونه له وچکالۍ سره مخ دي، خو واوره یې د کمولو لپاره ډېره اغېزمنه او ګټوره تمامېدای شي.
بل خوا د کابل ښاریان په دغه ښار کې د واورې له لومړۍ اورښت څخه خوښ دي او وايي چې د واورې ورېدو په پلازمېنه کې د هوا ککړتیا کمه کړې ده.
د کابل ښار اوسېدونکى سيد حيدر که څه هم په ښار کې د واورو په لومړۍ اورښت خوښ دى، خو وايي چې په کابل کې واورو د هوا ککړتيا هم کمه کړې ده.
حيدر همداراز وويل: سره له دې چې په ښار کې واورو خلک خوښ کړي، خو بايد هېر نه کړو چې زموږ يو زيات شمېر هېوادوال د ژمي لپاره د سون توکي نه لري او په دې ساړه موسم کې بايد لاسونو ته پاملرنه وشي.
د کابل ښار يو بل اوسېدونکی محرم حسين وايي، چې په کابل ښار کې د څښاک د پاکو اوبو د کمښت له امله واوره اورېدل د دې ستونزې د هواري لپاره هيله من دي، خو د واورې ورېدو د خلکو په تګ راتګ کې ستونزې رامنځته کړې دي.
دا په داسې حال کې ده چې د هېواد د هوا پېژندنې ادارې د غبرګولي په اوومه د هېواد په ۱۳ ولایتونو کې د واورې او باران ترڅنګ د سېلابونو د ورېدو احتمال هم اعلان کړی و.