یو شمېر هغه دولتي چارواکي چې د جمهوري ریاست پر مهال یې د غزني په ادارو کې کار يي کاوه، وايي چې تر اوسه له دندو ګوښه شوي نه دي. ښاریان هم له چارواکو غواړي چې د پخوانیو کارکونکو له تجربو څخه د چارو د سمون لپاره کار واخلي.

آوا - غزني: د غزني والي اسحاق اخندزاده هم وايي چې کار کوونکو ته به دنده وسپارل شي او د پخوانیو چارواکو له تجربو څخه چې په اداري فساد ککړ نه وي، په دفترونو کې به په کار واچول شي.
 
علي اظغر مهديار چې د جمهوري رياست په دوره کې د غزني په يوه دفتر کې کارکوونکى و، آوا ته وويل، چې تر اوسه يې له دندو نه دى تېر کړى او معاشونه يې ورکول کېږي.
 
د هغه په ​​وينا، پخواني افسران چې ښه تجربه لري د غزني په ډېرو رياستونو کې په دندو بوخت دي.
 
د غزني د پوهنې رياست يوه کارکوونکي نسيم هم وويل چې زه هم د نورو ډېرو مامورينو په څېر په خپلو دندو بوخت يم.
 
د هغه په ​​وينا، يوازې د پوهنې رييس نوی کس دی، پاتې نور ټول پخواني کارکوونکي دي.
 
په ورته وخت کې د غزني ښاریان هم له چارواکو غواړي چې هغه پخواني افسران چې په اداري کارونو کې ښه پوهه لري، په دندو وګماري.
 
په دې اړه یو تن محمد امین آوا ته وویل: د پخواني رژیم افسران څو کلنه کاري تجربه لري او په دفترونو کې ښه کار کوي او باید د خپلو کارونو د ښه والي لپاره خپلو کارونو ته دوام ورکړي.
 
د يادونې وړ ده، چې د جمهوري نظام له ړنګېدو وروسته په ډېرو رياستونو کې د ټيټ پوړو چارواکو د ساتلو ترڅنګ، د رياستونو او ټولو رياستونو پر رييسانو ډېر ديني عالمان او نوي راغلي کسان ټاکل شوي دي.