عبدالسلام حنفي سرپل ته د خپل سفر پر مهال ویلي، چې ډېر ژر به د دغه ولایت د تېلو قرارداد له کورنیو او بهرنیو شرکتونو سره وشي.

آوا - مزارشریف: د رئیس الوزرا اداري مرستیال عبدالسلام حنفي پرون (دوشنبه، قوس ۲۱) سرپل ولایت ته د خپل سفر په ترڅ کې د دغه ولایت له سیمه ییزو چارواکو او اوسېدونکو سره وکتل او وويل: ډېر ژر به د سرپل تېل له کورنيو شرکتونو سره وصل شي او قرارداد به يې بهرني وي.
 
د لومړي وزیر د مرستیال په وینا، اسلامي امارت په دولتي ادارو کې د کار د ښه والي، د بودجې په تصویب، د فساد د له منځه وړلو، د تعلیم، په نشه یي توکو د روږدو کسانو د درملنې، د سوالګرو راټولولو او د انکشافي او زیربنایي پروژو د پلي کولو په برخه کې عملي ګامونه پورته کړي دي.
 
دغه راز دبهرنيو چارو وزارت معين وويل: دقوش تپې کانال دلومړي فاز کار چې دڅه دپاسه اووه ميليارده افغانيو په ارزښت قرارداد شوى دى دجوزا په مياشت کې به بشپړ شي او ددغې پروژې کار به بشپړ شي.
 
له یوې اونۍ راهیسې د دې عبدالسلام حنفي په شمال کې دی او د بلخ، جوزجان، فاریاب او سرپل له سیمه ییزو چارواکو سره یې کتلي دي.
 
په ورته وخت کې سرپل او فاریاب ولایتونه د قشغري، بازار قمي او زمردسای په نوم د نفتو درې څاګانې لري چې د رسمي شمېرو له مخې په دې سیمه کې د استخراج شویو زیرمو اندازه شاوخوا ۸۷ میلیونه بېرله اټکل شوې ده.