د جوزجان ولايت د فيض آباد ولسوالۍ په ګرجګ کلي کې د علي اباد د اوبولګولو نهه کيلومتره اوږد کانال چې په يو وخت د لسو کليو ته او اته زره هکتاره کرنيزه ځمکه خړوبوي، د دغه ولايت د سيمه ييزو چارواکو په حضور کې پرانيستل شوه او ګټې اخيستنې ته وسپارل شوې.

آوا - مزار شریف: پرون دوشنبه (قوس۲۱) د جوزجان ولایت د فیض آباد ولسوالی مرستیال حاجی شکرالدین رؤفی د دغو سیمو خلک د هیواد د ټولنې تر ټولو زیان منونکې طبقه وبلله. وويل: له څو کلونو راهيسې د ګرجک اوسېدونکي له جګړو او طبيعي پېښو سره مخ دي او له همدې امله د دې ډول پروژو د پلي کېدو مستحق دي.
 
د دې تر څنګ د هېواد په شمال کې د سويډن د اوبو لګولو مسؤل نجيب الله يزدان پناه وايي: د علي آباد د اوبو لګولو کانال د ٨٣٥ متره مربع مساحت په لرلو سره د ډبرو په کارونې جوړ شوى، چې ګټې اخيستنې ته وسپارل شو.
 
د هغه په ​​وينا، د دغه کانال په کار پيل سره درې زره کسان په کار بوخت وو، د فیض آباد د اوبو اوه کيلومتره په اوږدو کې يې د اوبو سيند کېندل او يو پل هم جوړ شو، چې په يو وخت د لسو کليو اته زره هکتاره کرنيزه ځمکه خړوبوي.
 
د بلخ ولایت د سویډن کمیټې مشر د دې ولسوالۍ د اوسیدو پلانونو ته په اشارې سره چې په دې ولسوالۍ کې تر سره شوي، وايي: تر اوسه ۳۵۰ کرنیز او مالدارۍ پارسلونه، ۶۰ د سپما ګروپونه جوړ شوي او هرې ډلې ته پیسې ورکړل شوې دي.
 
هغه زیاته کړه، له طبیعي پېښو سره د مبارزې له ۱۰ شوراګانو سره د ژمنیو کڅوړو مرسته شوې، ۱۲۰ بې وزله کورنیو ته به ژمنۍ کیټونه ووېشل شي او د ۲ زره کسانو لپاره په بېلابېلو برخو کې د ظرفیت لوړونې پروګرامونه جوړ شي، چې ۴۰ میلیونه افغانۍ لګښت پرې راشي.
 
د فیض آباد ولسوالۍ د ګرجک کلي يو تن اوسېدونکی قاري عبدالله د دغه کانال له پرانيستې او فعاليت څخه د خوښۍ په څرګندولو سره وايي: په تېرو کلونو کې يې په کرنيزو ځمکو کې د اوبو د کمښت، د مديريت نشتوالى او له ستونزو سره مخ وو. د دې کانال د جوړولو چارې په ښه توګه تنظیم شوې دي.
 
  هغه له دولت او هغو بنسټونو څخه چې په هېواد کې د ابدالي پروژې کار کوي، وغوښتل چې د دغه کانال د ١٥ کيلومترو په اوږدوالي کې چې د سيمې خلک له ګڼو ننګونو سره مخ دي، جدي پاملرنه وکړي.
 
د يادونې وړ ده، چې دغه پروژې د UNDP د دفتر په مالي مرسته د هېواد په شمال کې د سويډن کمېټې د دفتر له خوا پلې شوې دي.