پرون دوشنبه (قوس ۱۴) د اسلامي امارت د اور ګاډي ادارې او منصور فتح شرکت ترمنځ د ۴.۱ میلیونه ډالرو په ارزښت د حیرتان - مزار شریف رېل پټلۍ د ساتنې او مراقبت او انتقال تړون د حکومت په رسنیز مرکز کې لاسلیک شو.

آوا: د اقتصادی خدمتونو د وړاندې کولو په موخه د حیرتان - مزار شریف اورګاډی پټلۍ د ساتنې او مراقبت او انتقال تړون د ریل پټلۍ ادارې او منصور فتح شرکت ترمنځ د دغه ریاست د رئیس نورالحق انور په حضور کې لاسلیک شو.
 
په همدې حال کې د اورګاډي پټلۍ رييس ملا بخت الرحمن شرافت وويل: د دوو کلونو لپاره د خدمتونو د وړاندې کولو دغه قرارداد د ٤.١ ميليونه امريکايي ډالرو په ارزښت له منصور فتح شرکت سره لاسليک شو.
 
  د اوسپنې پټلۍ د رييس په وينا، له ازبک ټرانس سوديګانا شرکت سره په پخواني قرارداد کې د خدمتونو د وړاندې کولو په بدل کې هر کال شاوخوا ١٥ ميليونه ډالره ورکول کېدل.
 
ملا بخت الرحمن شرافت زياته کړه، چې د دغه قرارداد د شرايطو پر بنسټ قرادي شرکت تخنيکي اسانتياوې برابرې کړې او مديريت يې د اورګاډي پټلۍ د رياست په غاړه دى.
 
د اوسپنې پټلۍ د ادارې د مسوولینو په وینا، د قرارداد د اغېزمن نه تطبیق، یوازې په یوه سټېشن کې د خدمتونو وړاندې کول، د اضافي لګښتونو غوښتنه، د عوایدو د راټولولو په بهیر کې د شفافیت نشتوالی او د لویې برخې د تصدیو نه‌شتون د قراردادي شرکت سره قرارداد د مخکیني قرارداد زیانمنونکي عوامل دي.
 
د دغه دفتر مسوولین زیاتوي، د قرارداد اغېزمن تطبیق، له یوه سټېشن څخه درېیو سټېشنونو ته لکه د حیرتان، نایاب آباد او پنځم بندر د خدماتو د ساحې پراخول، د عوایدو د راټولولو په بهیر کې د شفافیت رامنځته کول، د قرارداد شوي شرکت لخوا د دې دفتر د پرسونل تخنیکي ظرفیت، د اضافي لګښتونو لغوه کول او هیوادوالو ته د کار پیدا کول د اوسني قرارداد له ګټو څخه دي.