د دایکنډي ولایت د مرکز اړوند د «سوک» او «شبر» په کلیو کې د اسلامي امارت د عسکرو په برید کې د ښځو او ماشومانو په ګډون ګڼو کسانو ته د مرګ ژوبلې اوښتو په اړه له ځینو راپورونو وروسته، د پیښي له سیمې څخه موثقو سرچینو د آوا سره په خبرو کي د دغه غمجني پیښي په اړه وویل: چي د "هاشم خان" او "حاجي غریب حسین بیک" په نومونو د دوو کورنیو تر منځ د ځمکې پر سر له اوږدې مودې راهیسې د شخړې او له هغې څخه د کرکې په پایله کې دا پیښه رامنځته شوې ده.

آوا - کابل: د دغې سرچینې د معلوماتو له مخې، دغه قضیه د جمهوري ریاست له دورې مخکې پیل شوې وه او د همدې حقوقي مسئلې پر سر د دوی تر منځ څو قتلونه هم شوي وو. دغه ځمکه د هاشم خان د زامنو له قبضې څخه یواري وايستل شوه او د حاجي غريب حسين بيک د زامنو تر قبضې لاندې راغله او د احسان خان پلار هاشم خان په همدې مسئله کې د صداقت پښتون له خوا ووژل شو.
سرچينه زياتوي: دجمهوريت په دوره کې دغو دواړو خواوو د څو کلونو لپاره دولت ته په راجع او دعوا کولو سره د ځمکې د غصب هڅه کوله، چې له امله يې يو له بل سره دښمني زياته شوه، خو دا شخړه هواره نه شوه، چې په پایله کې یې د حاجي غریب حسین بېک زوی ووژل شو، چې قاتل یې معلوم نه شو.
دغې سرچينې په دوام وويل: د قرباني وارثانو د هاشم خان زامن او د هغه خپلوان د هغه په ​​وژنه تورن کړل. په هغه وخت کې صداقت پښتون په ایران کې اوسېده او څو میاشتې وروسته کله چې صداقت له ایران څخه راستون شو او د هاشم خان د زامنو د نیولو هڅه یې وکړه، هره ورځ به د دایکندي د اسلامي امارت د استخباراتو د ریاست دروازې ته راتلل. په پایله کې د ۱۴۰۱ لمریز کال د قوس د میاشتې په دریمه نېټه سهار وختي د حاجي غریب حسین بېک زامن د اسلامي امارت له څو تنو افرادو سره چې یوه شپه وړاندې د حاجي غریب حسین بېک زوی «امان الله خان» په کور کې وو. د هاشم خان د زامنو کور يې محاصره کړ او صداقت پښتون هم د پشتروق له لوري بريد وکړ او له خپلو ځواکونو سره ميدان ته راغى. او څو ساعته وروسته صداقت د دایکندي ولایت د استخباراتو له ریاست څخه مرسته وغوشتل او استخبارات هم د صداقت غوښتنې ته مثبت ځواب ورکوي.
خو د سرچينې په وينا، د دایکندي ولایت استخبارات د دغو دوو کورنیو تر منځ له تېرو لانجو څخه ناخبره میدان ته راووتل او مداخله یې وکړه، چې په پایله کې یې د هاشم خان د زامنو د کورنۍ اته تنه چې پنځه یې لویان او درې یې ملشومان وو. چې ماشومان او د ښوونځي زده کوونکي وو، وژل شوي او یوه بله ښځه ټپي شوې ده. دغه راز د درنو وسلو په ډزو کې د استوګنې یو کور هم ویجاړ شوی دی. له بلې خوا د استخباراتو یو کارمند هم وژل شوی او دوه نور ټپیان شوي دي. څلور نور کسان چې دوه یې د هاشم خان زامن او دوه یې نږدې خپلوان دي، دا مهال د استخباراتو په ریاست کې تر توقیف لاندې دي.
دغې سرچینې یادونه وکړه چې د جګړې د ځای شاوخوا بې طرفه کسانو د وژل شویو کسانو جسدونه کفن او ښخ کړل.
دوو نورو سیمه ییزو سرچینو هم د صداقت په نوم د یوه کس له خوا د اسلامي امارت د ځواکونو د نفاق او تحقیر پخلی کړی او ویلي یې دي، چې د پنجشیر د مقاومت جبهې پورې تړلي یو شمېر کسان د جګړې په سیمه کې جوړ شوي او موخه یې دا وه، چې جګړه رامنځته کړي. د دایکندي ولایت ناامني د دې جګړې لامل بلل کېږي.
د دې قوم یو مشر او مخور امان الله ملک چې په دې شخړه کې یې د منځګړیتوب دنده ترسره کوله، هم وژل شوی دی.
په داسې حال کې چې دغې پېښې په ځانګړي ډول د ماشومانو وژل له ګڼو غبرګونونو سره مخ شوي، خو تر اوسه د اسلامي امارت چارواکو او رسمي ویاندویانو په دې اړه کوم غبرګون نه دی ښودلی.
په تېرو وختونو کې په دايکنډي ولايت کې د ځمکې پر سر ډېرې حقوقي شخړې رامنځته شوې، چې د ځينو کليو د خلکو د کډوالۍ لامل هم شوي دي. ستونزه دا ده چې په وروستیو کلونو کې په ځانګړي ډول په هېواد کې د کورنیو جګړو پر مهال په بېلابېلو سیمو کې یو شمېر ځمکې د خاوندانو په غیاب کې یا په زور غصب شوې او د عامو خلکو په ګډون نورو خلکو ته ورکړل شوې دي. اوس د اسلامي امارت په راتګ او په هیواد کې د ټولیز امنیت په تامین سره ډیری هغه کسان چې څه نا څه درې یا څلور لسیزې مخکې یې خپلې ځمکې له لاسه ورکړي دي، یو ځل بیا یې د غصب لپاره محکمې ته مراجعه کړې ده.