د ایران د ټراکټور جوړوني رسمي ادارې په مزارشریف ښار کې په فعالیت پیل وکړ او په ورته وخت کې د دغه هېواد د ټراکټورونو لومړۍ جوپه دغه ښار ته راورسېده.

آوا - مزارشریف: د دغې ادارې مشر عبدالرحمن وردګ د یوې ایرانی شرکت د دغې ادارې د پرانیستلو په اړه آوا ته وویل: د ایران- تبریز له شرکت سره د دغه ادارې د پرانیستلو په لړ کښې د افغانستان شمال ته د تراکتورونو د واردولو لړۍ پیل شوې او د ۳۰ تراکتورونو لومړۍ جوپه په مزارشریف کې مشتریانو ته وړاندې شوه.
 
هغه زياته کړه، دغه شرکت له ترکمنستان څخه مزارشريف ته ټراکټورونه واردوي، چې له همدې امله له ايران څخه واردات د نورو هېوادونو د وارداتو په پرتله ١٥٠٠ ډالره ارزانه دي.
 
د وردګ په وينا، د دې ادارې نور بار وړونکي توکي هم په لاره دي او ډېر ژر به مزارشريف ته داخل شي.
 
دا وارد شوي ټراکټورونه باید د کرنې او مالونو د لیږد په برخو کې وکارول شي.