د هېواد په شمال بلخ ولایت کې د چاپېریال ساتنې چارو پوهان او د کرنې مسوولین د لمریزې څاګانو له زیاتوالي او بې توپیره کارونې خبر ورکوي او وايي، د اوبو سرچینې باید د څاڅکو او باران اوبو لګولو له لارې مدیریت شي. خو په ورته وخت کې کروندګر د راتلونکي لپاره د ځمکې لاندې اوبو د کمښت په اړه اندېښمن دي، دوی وايي چې بله چاره نه لرو.

آوا - مزارشریف: د هېواد په شمال او په ځانګړې توګه په بلخ ولایت کې کروندګر په زرګونو ژورې او نیمه ژورې څاګانې د ځمکې لاندې معدنی اوبه کرنیزو ځمکو ته رسوی او په هره برخه کې خپلې کروندې خړوبوی.
 
جمشید یو له هغو کروندګرو څخه دی چې خپلې کرنیزې ځمکې د لمریزې څاه له لارې خړوبوي او په کمه بیه د خپلې کروندې د اړتیا وړ اوبه ورته رسوي، په ورته وخت کې په راتلونکي کې د ځمکې لاندې اوبو د کمښت په اړه اندېښمن دی او وايي چې که نه.
 
د مزارشريف ښار د چاپېريال کارپوه ذبيح الله عصمتي له دې ناورين څخه د وتلو د لارو چارو په اړه وويل: د اوبو د کمښت له امله کروندګر کولاى شي د خپلو باغونو او کروندو لپاره د څاڅکو او باران اوبو لګولو سيسټمونه وکاروي.
 
په داسې حال کې چې د بلخ ولایت د کرنې، اوبولګولو او مالدارۍ مرستیال رکن الدین په دغه ولایت کې د لمریزې څاګانو د شمېر په اړه بې خبري ښيي، خو وايي چې کروندګر د کرنې له ریاست سره له همغږۍ پرته او په خپله خوښه ژورې او نیمه ژورې څاګانې کینوي.
 
د هغه په ​​وينا، د کرنې رياست هيچا ته اجازه نه ده ورکړې، چې تر ځمکې لاندې اوبه وکاروي او د سولر څاګانو د زياتوالي د مخنيوي لپاره د حل لارې په لټه کې دي.
 
د شمېرو له مخې، د بلخ ولایت د دولت آباد ولسوالۍ په قرچه ګګ کلي کې تر ۵۰۰ ډېرې لمریزې څاه ګانې کیندل شوې دي.
 
په ورته وخت کې د سولر څاګانو د ډېروالي په اړه اندېښنې ډېرې دي او دا مهال د هېواد د شمالي ولایتونو په ځینو سیمو کې په تېرو څو کلونو کې تر ځمکې لاندې اوبه د ۲۰ او ۲۵ مترو تر منځ راښکته شوې دي.
 
د یادولو وړ ده چې سمندري کارپوهانو په سرپل ولایت کې د یوې څیړنې په ترڅ کې دې نتیجې ته رسیدلي چې د سرپل تر ځمکې لاندې اوبه به تر ۲۰۴۰ کال پورې وچې شي.