د کاناډا د کډوالو وزارت د معلوماتو له مخې، دغه هېواد به د ۲۰۲۳ کال تر پایه شاوخوا ۴۰ زره افغان کډوال ومني.

آوا: د کاناډا د کډوالو وزیر شان فریزر د پنجشنبې په ورځ (عقرب ۵) په خپل ټویټر ولیکل چې دوې الوتکې چې افغان مهاجرین پکښې سپاره وو په ټورنټو او اډمونټن کې الوتی دی.
 
د فریزر په وینا کاناډا اوس مهال د ۲۳۵۰۰ افغان کډوالو کوربه دی.
 
د کاناډا د کابینې دغه غړي ټینګار کړی، چې تمه ده د ۲۰۲۳ کال تر پایه په دغه هېواد کې د مېشتو افغان کډوالو شمېر ۴۰ زرو ته ورسېږي.
 
کاناډا یو له هغو هیوادونو څخه دی چې د پخواني حکومت له نسکوریدو وروسته یې په افغانستان کې د خطر سره مخامخ اتباع منلي او بیرته یې میشت کړي دي.