د اسلامي امارت چارواکو د یوې خبرپاڼې په خپرولو سره د ملي دفاع وزارت له چارواکو سره د اسلامي امارت د مشر د لیدنې خبر ورکړی. ویل کیږي، چې په دې غونډه کې ملا هبت الله اخندزاده پوځي چارواکو ته سپارښتنه وکړه، چې له ظالمانه چلند او د خلکو له ځورولو ډډه وکړي.

آوا - کابل: د اسلامي امارت مشر ملا هبت الله اخندزاده د ملي دفاع وزارت له استخباراتي چارواکو سره په لیدنه کې هغوی ته سپارښتنه کړې چې له «ظالمانه کړنو» او د خلکو له شکنجه کولو ډډه وکړي.
 
په هغه خبرپاڼه کې چې د اسلامي امارت د ویاند له لوري خپره شوې راغلي چې د اسلامي امارت رهبر سپارښتنه کړې چې له بندیانو سره د شرعي احکامو مطابق چلند وکړي او له بې ځایه شکنجو څخه دې ډډه وکړي او هیڅوک دې په ناحقه توقیف نه کړي او یوازې عمل وکړي.
 
ملا هبت الله وویل: د کشف او څارنوالۍ په بهیر کې دې احتیاط وکړئ چې یو بې ګناه کس ونه نیول شي. نیول شوی کس په ټاکلي وخت محکمې ته وړاندې کړئ او که د نورو تحقیقاتو لپاره د مودې غځولو ته اړتیا لرئ، له محکمې یا مشرتابه څخه اجازه واخلئ.
 
دا په داسې حال کې ده چې له دې وړاندې هم د اسلامي امارت رهبر په بېلابېلو غونډو او فرمانونو کې د حکومت پر قومندانانو، امنیتي ځواکونو او ملکي چارواکو غږ کړی چې له خلکو سره چلند وکړي، خو داسې پېښې هم شوي چې د ملا هبت الله په حکمونو عمل کوي. په ځانګړې توګه د چارواکو او محلي قوماندانانو لخوا نه دي پلي شوي.