د بشري حقونو د شورا د نوو غړو انتخاب به نن (سه شنبه، میزان ۱۹) ترسره شي. په همدې حال کې د افغانستان نوم هم په دې شورا کې د غړیتوب لپاره د کاندید په توګه لیدل کېږي.

آوا: افغانستان به د اسیایي هیوادونو په منځ کې له بنګله دیش، قرغزستان، مالدیف، سویلي کوریا او ویتنام سره سیالي وکړي.
 
د بشري حقونو شورا غړي د ۴۷ هېوادونو له استازو څخه جوړ دي چې د رایو له لارې د دریو کلونو لپاره ټاکل کېږي.
 
په شورا کې د څوکیو ویش د جغرافیایي شتون له مخې مساوي دی: د افریقایي ډلې لپاره 13 څوکۍ، د آسیا ګروپ لپاره ۱۳ څوکۍ، د ختیځې اروپا ګروپ لپاره شپږ څوکۍ، د لاتینې امریکا او کارابین ګروپ لپاره اته او اوه څوکۍ د لویدیځ اروپایی ډله او نور هیوادونه.
 
په جینوا کې د افغانستان ډیپلوماټیک نمایندګي چې د تېر حکومت د ډیپلوماټانو په واک کې ده، د دغو انتخاباتو په درشل کې په یوه بیان کې ویلي چې د بشري حقونو په شورا کې د څوکۍ ترلاسه کول به د غږونو د دوام لپاره یو حیاتي فرصت وي.
 
پلاوي ویلي چې د افغانستان لپاره رایه ورکول به د بشري حقونو وضعیت ته د ځواب ویلو لپاره په سم لوري کې مهم ګام وي.