د امریکا د بهرنیو چارو وزیر په یوه ټویټ کې له افغانستان سره د ۳۰ زره ټنه اوکرایني غنمو د مرستې اعلان وکړ.

آوا: د امریکا د بهرنیو چارو وزیر انتوني بلینکن نن (پنجشنبه، سنبلي ۳۱) په یوه ټوېټ کې دغه اعلان وکړ.
 
هغه لیکلي، چې اوکراین د روسیې د ظالمانه یرغل په وړاندې له کړاوونو سره سره، په افغانستان کې د بشري ناورین د کمولو په موخه د خوړو نړیوال پروګرام له لارې ۳۰ زره ټنه غلې او ایتوپیا او سومالیا ته د نورو پنځوس زره ټنه غلې دانې مرسته کړې ده.
 
پر اوکراین د روسیې برید هم په ټوله نړۍ کې د خوراکي توکو د بیو د لوړېدو لامل شوی دی.
 
دا دواړه هیوادونه د غلې دانې لکه غنم، جوار او وربشي دواړه لوی صادرونکي دي چې له جګړې وروسته ګډوډ شوي دي.