د روسیې جنګیالیو د سوریې په ادلب ولایت کښې د جبهة النصره په مرکزونو باندې په سختو بمباریو سره د دغې ډلې د دوو جګپوړو غړیو په ګډون ۴۵ تنه ترهګر ووژل.

آوا: په سوریه کې د روسیې د پخلاینې سازمان مشر اولیګ ایوګوروف تېره شپه (یکشنبه، سنبلي ۲۷) اعلان وکړ چې د روسیې د پوځ جنګیالیو د « جبهة النصره » د ترهګرو پر مرکزونو سختې بمبارۍ کړې دي.
 
د المیادین شبکې د ویب پاڼې د راپور له مخې، نوموړي ویلي چې په دغو سختو بریدونو کې د دغې ډلې د دوو مشرانو "بلال سعید" او "ابو دجانه الدیري" په ګډون د جبهة النصره ۴۵ ترهګر وژل شوي دي.
 
د هغه په ​​وینا، دغو ترهګرو په ادلب ولایت کې د «تنظیم کمولو» سیمو کې د سوریې د پوځیانو او اتباعو پر ضد په بریدونو کې مستقیم لاس درلود او په ځلونو یې د سوریې د حکومت تر کنټرول لاندې سیمو کې ترهګریز عملیات ترسره کړی وو.
 
 په سوریه کې د روسیې د پخلاینې سازمان مشر زیاته کړه، چې تېره ورځ ترهګرو په تش په سیمو کې پنځه بریدونه ترسره کړل، دوه بریدونه په لاذقیه ولایت کې او درې ترهګریز بریدونه په حلب ولایت کې هم ترسره شول. د سپتمبر په ۱۲مه د جبهة النصره وسله والو په ادلب ولایت کې د تخریب په سیمو کې درې ترهګریز عملیات ترسره کړل.
 
دغه مرکز د سپتمبر په اتلسمه نیټه د سوریې په شمال لویدیځ کښې په ادلب ولایت کښې د ترهګرو ډلو په مرکزونو د حملې خبر ورکړ او ویې ویل په دغو حملو کښې ۱۲۰ ترهګر وژل شوی دی.