آوا: ګارډین ورځپاڼې یو راپور خپور کړی چې په افغانستان کې د پخواني حکومت له نسکوریدو وروسته ۳۰۰ زره افغانانو په ترکیه کې پناه اخیستې ده.

 

دغه راپور چې پرون چهارشنبه (سنبلي ۱۶) خپور شو، زیاته کړې چې دغه کسان د خطرناکو لارو او قاچاق له لارې ترکیې ته تللي.

 

د دغه راپور پر بنسټ، په ترکیه کې د اقتصادی وضعیت په خرابیدو سره، د دغه هیواد اتباعو د سوریایی او افغان کډوالو له شتون څخه ناخوښۍ څرګنده کړې او هغوی یې د دندو په نیولو او د کرایې په زیاتولو تورن کړي.

 

اوس مهال ترکیه د څلور میلیونو کډوالو کوربه دی چې په سلګونو زره افغانان او نور ملیتونه په کي شتون لري.

 

له یوه کال راهیسې چې ترکان د لوړ انفلاسیون او د لیرې د ارزښت له راټیټیدو سره له ناوړه اقتصادي وضعیت سره مخ دي، دوی د سوري او افغان کډوالو له شتون څخه ناخوښي څرګنده کړې ده.

 

ګارډین لیکي چې د نظرپوښتنو له مخې د ترکانو اکثریت غواړي چې کډوال بیرته خپلو هیوادونو ته واستول شي.

 

په ترکیه کې د کډوالو پر وړاندې غوسه په داسې حال کې ده چې د ښي اړخو مهاجرو ضد تمایلاتو د سیاست اصلي جریان ته نفوذ کړی دی.

 

د بهرنیو کډوالو د شتون له سختو مخالفانو څخه یو د ښي اړخه استازی اُمیت اوزداغ دی.

 

هغه ادعا کوي چې کډوال یو یرغلګر پوځ دی چې د ترکیې ملت د ویجاړولو لپاره د نړیوالې توطیې برخه ده.

 

که څه هم د ښي اړخو نمایندګیو ګوند نوی جوړ شوی او لا تر اوسه لږ دی، لکه څنګه چې په اروپا کې د نورو ځایونو په څیر، ښي اړخه سیاستوالان دې ته اړ کوي چې د خلکو د خوښې لپاره د خلکو پالیسي غوره کړي.

 

اوس مهال ویل کیږي چې حتی د هغو افغانانو لپاره چې ترکیې ته په قانوني توګه داخل شوي او دا ثابته کړي چې ښه عاید لري، د اوسیدو کارت ترلاسه کول خورا ستونزمن شوي دي.

 

لکه څنګه چې په ترکیه کې د افغان کډوالو پاتې کیدل ستونزمن کیږي، ډیری یې له دې هیواد څخه د اخراج له خطر سره مخ دي.