د پاکستان حکومت له نړیوالې ټولنې غوښتي چې په وروستیو سېلابونو کې د دغه هېواد له خلکو سره نورې مرستې هم وکړي.

آوا: دغه غوښتنه پرون (شنبه، سنبله ۱۲) په داسې حال کې شوې، چې الوتکو د یوه بشردوستانه هوایی پله له لارې دغه هېواد ته بشری مرستې لېږدولې دی.
 
د پاکستان د حکومت د لومړنیو اټکلونو له مخې په دغه هیواد کې بارانونو او سیلابونو لس ملیارده ډالره زیان اړولی دی.
 
ځینې ​​چارواکي او کارپوهان د مونسون غیر معمولي بارانونه او سیلابونه د اقلیم د بدلون له امله اغیزمن بولي.
 
ټاکل شوې چې د ملګرو ملتونو سرمنشي انتونیو ګوتریش د سپټمبر په نهمه پاکستان ته سفر وکړي چې سیلاب ځپلو سیمو ته سفر وکړي او له پاکستاني چارواکو سره وګوري.
 
د دې اونۍ په پیل کې، ملګرو ملتونو او پاکستان په ګډه د 160 ملیون ډالرو مالي مرستې غوښتنه وکړه.
 
د پاکستان د طبیعي پېښو د مخنیوي ادارې په خپل تازه راپور کې د قربانیانو په شمېر کې د ۵۷ تنو د زیاتوالي خبر ورکړی دی.
 
په همدې حال کې د قربانیانو او بې ځایه شویو د شمېر له زیاتېدو سره پاکستان ته د نړیوالو پام زیات شوی دی.
 
د پاکستان د لومړي وزیر شهباز شریف د مرستې پخوانۍ غوښتنې د نړیوالې ټولنې چټک غبرګون راوپاراوه.
 
د دې غوښتنې په ځواب کې نړیوالې ټولنې پاکستان ته له مرستو ډکې الوتکې ولېږلې.
 
د يادونې وړ ده، چې د نړيوالو چارواكو په وينا، په پاكستان كې د سېلابونو له كبله په افغانستان كې سيلاب ځپلو ته پاملرنه كمه شوې او په پايله كې د دغه هېواد له وګړو سره د مرستو اندازه كمه شوې ده.