له هېواد څخه د بهرنیو ځواکونو د وتلو د لومړۍ کلیزې د نمانځلو په مناسبت د اسلامي امارت مشر وویل، چې د اسلامي امارت په راتګ سره وژنې او چاودنې پای ته ورسیدې او په ټول هېواد کې امنیت تامین شوی دی. ملا محمد حسن اخند نړیواله ټولني باندي غږ وکړ او وویل: چې فشارونه او بندیزونه به کومه پایله ونه لري.

آوا - کابل: نن (چهارشنبه، اسد ۹) له افغانستان څخه د بهرنیو ځواکونو د وتلو د کلیزې د نمانځلو په موخه د اسلامي امارت د لوړ پوړو چارواکو او سفیرانو په حضور کې ځانګړی پروګرام جوړ شو. په افغانستان کې د امریکايي ځواکونو تر ټولو ستره پخوانۍ اډه د بګرام په هوايي ډګر کې.
 
په همدې حال کې ملا محمد حسن اخند داسلامی امارت رئیس الوزراوویل: له افغانستانه دبهرنیو ځواکونو وتل دخلکو لپاره د خدای له خوا یو ستر نعمت و.
 
هغه په ​​هیواد کې د اسلامي امارت مینه والو ته هم سپارښتنه وکړه چې د دغه نعمت قدر وکړي او د مسلمانانو خدمت وکړي.
 
لومړي وزیر دولتي چارواکو ته په خطاب کې وویل، دا ستاسو دنده ده چې د مشرانو اطاعت وکړئ او د خلکو خدمت وکړئ.
 
هغه د دې په څرګندولو سره چې خدای دې زموږ ګناهونه وبخښي او پر ستر دښمن مو برلاسی کړي، وویل: راځئ چې خپل ارزښتونه وساتو، یتیمان، کونډې او مظلوم هېوادوال مو هېر نه کړو.
 
ملا محمد حسن اخند زیاته کړه: کله چې پخوانی حکومت ړنګ شو، د اسلامي امارت لپاره هیڅ بنسټیز تاسیسات پاتې نه شول.
 
هغه وويل: کله چې بهرنيان له افغانستان څخه ووتل، نو هر څه يې له ځانه سره يوړل او پر افغانستان يې بنديزونه ولګول، چې دغه کار په هېواد کې د بېوزلۍ او فقر سبب شوى دى.
 
رئیس الوزرا نړيوالې ټولنې ته په خطاب کې وويل فشارونه او بنديزونه هيڅ نتيجه نه ورکوي بلکې د تفاهم، هماهنګۍ او ورورولۍ لاره خپله کوي.
 
د يادونې وړ ده، چې تېره شپه د پلازمېنې په بېلابېلو سيمو کې له هېواد څخه د وروستي امريکايي سرتېري د وتلو د نهمې کليزې په مناسبت د خپلواکۍ جشن ولمانځل شول.