د کندز د شېرخان بندر چارواکي وايي، پاکستان ته د تاجکستان د ډبرو سکرو لېږد له دغه بندره بېرته پيل شوی دی.

آوا - مزارشریف: د کندز ولایت د شیرخان بندر د ګمرک مرستیال خیرالله صبغت نن، سه شنبه (سنبلې ۸) آوا ته وویل: په تیره یوه اونۍ کې د شیرخان له بندر څخه د تاجکستان د ډبرو سکرو د لیږد په حال کې دی ترڅو د غلام خان بندر له لارې به پاکستان ته انتقال شي.
 
صبغت زياته کړه، سوداګرو ته اجازه نه ورکول کېږي، چې په افغانستان کې د ډبرو سکرو له بار کولو وروسته راښکته کړي او د تېلو د ډبرو د لېږد د پروسې په چټکتيا سره د دوى عايد هم لوړ شوى دى.
 
د شېرخان بندر ګمرک مرستيال ټينګار کوي، چې له دغو ترانزيټي توکو څخه ماليه نه اخيستل کېږي. خو د ترانزیت لګښت د جمهوریت د وخت په پرتله پنځه برابره زیات شوی دی.
 
د هغه په ​​وينا، هره ورځ په شېرخان بندر کې له ٣٠ تر ٥٠ ترانزيټي کارګو بار کېږي، چې هر کارګو ٣٧ ټنه وزن لري.
 
دا په داسې حال کې ده، چې کلونه وړاندې د شېرخان بندر له لارې د ډبرو سکرو لېږدول کېده. خو د اسلامي امارت له تسلط وروسته دا کار ودرول شو، چې لامل یې د ترانزیټ لګښتونو په برخه کې د افغانستان د اسلامي امارت د حکومت ځینې ملاحظې، د شیرخان بندر مرستیال ته منسوب دی.
 
په ورته وخت کې سوداګرو هم ژمنه کړې، چې هرکله چې له دغه بندر څخه د تېلو ډبرې بار کړي، په مستقیم ډول به یې پاکستان ته لېږدوي.
 
د پاکستان او افغانستان ترمنځ د نوي تړون له مخې به له دې وروسته د خیبر پښتونخوا د خرلاچي او غلام خان بندرونو څخه د ډبرو سکرو واردول هم پیل شي.