په ملګرو ملتونو کې د افغانستان استازی وایی، د نیویارک محکمې د سپټمبر د یوولسمې پېښې قربانیانو ته د افغانستان له منجمد شویو مرستو څخه د خسارې د ورکړې غوښتنه رد کړې ده.

آوا: په ملګرو ملتونو کې د افغانستان استازی نصیر احمد فایق نن (شنبه، سنبلي ۵) په یوه ټویټ کې لیکلی: د نیویارک محکمې نن د مرکزی بانک له منجمد شویو پیسو څخه د جبران غوښتنه رد کړه.
 
هغه زیاته کړه: "هیله ده چې د افغانستان کنګل شوې پیسې ژر تر ژره خوشې شي او د یوه شفاف او څارنیز سیستم پر بنسټ د افغانستان د اړمنو خلکو د پراختیا او مرستې لپاره ولګول شي."
 
د سپینې ماڼۍ د خبرپاڼې له مخې، د امریکا ولسمشر جوبایډن د تېر کال په اپریل میاشت کې د یوه فرمان په صادرولو سره د افغانستان له کنګل شویو شتمنیو څخه ۳.۵ میلیارده ډالره د دغه هېواد له خلکو او پاتې نورو سره د مرستې لپاره ځانګړي کړل. د سپټمبر د ۱۱مې د قربانیانو کورنیو ته.