په هلمند ولایت کې ځایی سرچینو د اسلامی امارت د ځواکونو او تحریک طالبان (پاکستانی طالبانو) ترمنځ د نښتې خبر ورکړی دی. د دوى په وينا، په دې جګړو کې د طالبانو يو جګپوړى قوماندان د دې ډلې له درېيو نورو ځواکونو سره وژل شوى دى.

آوا: په هلمند ولایت کې سیمه ییزو سرچینو خبر ورکړی، چې د اسلامي امارت او تحریک طالبان پاکستان د ځواکونو ترمنځ د نښتې په پایله کې د طالبانو د یوه قومندان په ګډون ۶ تنه وژل شوي دي.
 
دغې سرچینې چې نه یې غوښتل نوم یې واخیستل شي زیاته کړه چې د طالبانو یو مشهور قوماندان ملا عبدالله د هلمند ولایت په ناوه ولسوالۍ کې له خپلو دریو ملګرو سره وژل شوی دی.
 
په خبرپاڼه کې ویل شوي چې په دې پېښه کې د اسلامي امارت د عسکرو دوه تنه وژل شوي هم دي.
 
تر اوسه د اسلامي امارت چارواکو یا د تحریک طالبان پاکستان ویاندویانو په دې اړه څه نه دي ویلي.
 
شاوخوا دوه میاشتې مخکې د تحریک طالبان پاکستان ویاند محمد خراساني اعلان وکړ چې عمر عبدالولي مهمند چې په عمر خالد خراساني مشهور و، د دغې ډلې یو له جګ پوړو غړیو څخه په افغانستان کې وژل شوی دی.
 
د هغه په ​​وينا، مهمند او د هغه دوه ملګري هغه مهال ووژل شول، چې موټر يې په افغانستان کې د سړک د غاړې پر ماين وربرابر شو.