د برښنا شرکت مسوولین وايي، د فابریکو د خاوندانو او صنعتکارانو د ستونزو د هواري په موخه یې د کابل صنعتي پارک د برښنا جریان ۱۲ ساعتونو ته لوړ کړی دی.

آوا - کابل: د برښنا شرکت ویاند حکمت الله میوند وویل: موږ په دې برخه کې ډېرې هڅې کړې، ترڅو صنعتکاران لا ډېرې انرژۍ ته لاسرسی پیدا کړی.
 
د هغه په ​​وينا، برښنا د ډېرو فابريکو د برښنا مزي په مستقيم ډول وصل کړي او د صنعتکارانو برښنا يې ١٢ ساعتونو ته لوړه کړې ده.
 
که څه هم یو شمېر صنعتکاران د برښنا شرکت د دې اقدام هرکلی کوي، خو وايي چې د کورنیو تولیداتو زیاتوالی ۲۴ ساعته برښنا ته اړتیا لري.