د مزارشريف په غوربندي سيمه كې لسګونو هټيوالو د كراچۍ پر ځاى د کوکي جوړولو د پلان پر ضد په اعتراض كې خپل هټيوال وتړل او ويې ويل، چې د کوکي لګښت نه شي پوره كولاى او ښاروالۍ بايد دغه پلان عملي نه كړي.

آوا - مزارشریف: د مزارشریف ښار په لویدیځ کې د سخي زیارت په لویدیځ غوربندي سړک کې څه باندې سلو هټیو د کراچۍ پر ځای د کوکي د جوړولو د پلان په اعتراض کې خپل دوکانونه تړلي دي.
 
دوی د سه شنبې په ورځ له آوا سره په خبرو کې ټینګار وکړ چې د مزارشریف ښاروالۍ له دوی څخه غوښتي چې د کراچۍ پر ځای له اوس څخه یو غرفه واخلي او د یوه کوکي لګښت یې سل زره افغانۍ ټاکلی دی.
 
د غوربندي ټول هټيوال بې وزله خلک دي، چې د ورځې له ٢٠٠ افغانيو څخه زيات عايد نه لري او دولت ته دومره زياتې پيسې نه شي ورکولاى.
 
شفیع الله; د مزارشريف ښار يو بل هټيوال هم آوا ته وويل: موږ په دې بيه پلورنځي نه شو اخيستلاى، که دا طرحه عملي شي، نو موږ به خپل دوکانونه خلاص نه کړو او تړلي به يې پرېږدو.
 
ومو غوښتل چې په دې اړه د مزارشريف د ښاروال نظر هم واخلو. خو له پرله پسې زنګ وهلو سره بریالي نه شوو. ويل کيږي چې د مزارشريف ښاروالۍ دغه اقدام د ښاري نظم په موخه کړى دى.
 
دا په داسې حال کې ده چې د سوداګرو لپاره د ځای نشتوالی یوه له هغو ستونزو څخه ده چې په مزارشریف کې د تېر حکومت پر مهال هم د کراچۍ ښاریانو څو ځلې مظاهرې وکړې او له دغو مظاهرو څخه دوه کاله وړاندې یې په مزارشریف ښارګوټی جوړ کړ. د شریف ښار موټر سوځول شوی.