سره له دې چې په افغانستان کې تر شپږم ټولګي پورې د نجونو د ښوونځیو تړل په ملي او نړیواله کچه جنجال بلل شوی، خو د اسلامي امارت مسؤلین وايي چې د ښوونځیو د بیا پرانستلو لپاره پر یوې مؤثرې او معقولې لارې خبرې روانې دي او دا ستونزه به ژر حل شي.

آوا - کابل: په قطر کې د اسلامي امارت سیاسي ویاند نعیم وردګ په یوه ټوېټ کې لیکلي چې د نجونو د ښوونځیو تړل شرعي اړخ لري او په هېواد کې دننه د دیني عالمانو هوکړې ته اړتیا لري.
 
هغه زیاته کړه؛ په دې هوکړه لیک باندې کار په شدت سره روان دی ترڅو تړل شوي ښوونځي ژر تر ژره پرانستل شي.
 
دا په داسې حال کې ده، چې څو ورځې وړاندې پخواني ولسمشر حامد کرزي په یوه ټویټ کې لیکلي و، چې په افغانستان کې د نجونو د ښوونځیو د تړلو لامل نه دی؛ بلکې پاکستان په دې مسله کې لاسوهنه کوي او دا هېواد یو لوستی، پرمختللی او ځواکمن افغانستان نه غواړي.
 
د نجونو د ښوونځیو د تړلو په اړه نیوکې په داسې حال کې زیاتیږي چې د اسلامي امارت چارواکو تل ویلي چې د نجونو له زده کړو سره مخالف نه دي او د دوی په وینا کله چې د کلتوري او مذهبي ستونزو په کیفیت کې وي، ښوونځي به بیا پرانستل شي. د نجونو د زده کړې ستونزه حل شوه.