د بلخ ولايت يو محتسب وايي چې د امام حسين (ع) عزادارۍ يوازې په شيعه او سنيانو پورې اړه نه لري؛ بلکه هغه ټول مسلمانان له خدای سره نښلوي.

آوا - مزار شریف: د بلخ ولایت سرپرست احمد فاروق قاسمی د مزار شریف په سلطانیه جومات کې د عاشورا حسینی په مراسمو کې حاضرینو ته وینا وکړه او ویې ویل: د کومې وچې سترګې د دې دردونکې پېښې په فکر کې اوښکې نه تویوي او کوم سخت زړی سړی په دې دردونکي غم کې ځان شریک نه ګڼي!
 
هغه څرګنده کړه؛ د اسلام پېغمبر (ص) فرمايي: حسن او حسين (ع) زما د بدن غړي دي او چا چې له دوى سره مينه وكړه نو له ما سره يې مينه وكړه. د حسن او حسین سره مینه موږ د محمد مصطفی صلی الله علیه وسلم سره نږدي کوي او څوک چې له خپل پیغمبر سره مینه ولري الله تعالی به ورسره مینه وکړي او څوک چې له هغه سره مینه وکړي الله تعالی به یې د قیامت په ورځ جنت ته داخل کړي.
 
د بلخ امربالمعروف محتسب وویل: زه سني یم. زما په اند له اهل بیتو (ع)، امام حسن او حسین (ع) سره مینه موږ له خدای (ج) سره نښلوي، له اهل بیتو سره مینه او د رسول الله (ص) له اصحابو سره مینه موږ ته راښيي.
 
احمد فاروق قاسمي زیاته کړه؛ رسول الله صلی الله علیه وسلم فرمایلي دي: څوک چې له حسن او حسین سره دښمني ولري، په حقیقت کې زما او له خدای سره لري او په دوزخ کې به وي. همدارنګه له رسول الله صلی الله علیه وسلم څخه روایت دی چې فرمایي: امام حسن او حسین د جنت د ځوانانو سرداران او مشران دي. لکه څنګه چې دا دوه امامان په دې دنیا کې لوړ مقام لري، د قیامت په ورځ به هم په لوړ مقام کې وي.
 
هغه د اسلام د پېغمبراکرم (ص) په نقل سره څرګنده کړه: حسین له ما څخه دی او زه له حسین څخه یم. د پیغمبر دغه تعلیمات زموږ لپاره رحمت دی. له اهل بیتو سره مینه پر مسلمان فرض ده. دا د مؤمن د تکامل وسیله ده.
 
قاسمي څرګنده کړه: دلته د امام حسین (ع) پیغام و ټولو ته د زړورتیا، د عدالت او غیرت، د جهاد او له باطل سره دي. امام حسین (ع) دا پیغام واستاوه چې مسلمان ملت فقر او لوږه زغمي، خو اسیر، ذلت او غلامي نه زغمي او د ظلم او باطل پر وړاندې سر نه ټیټوي.
 
د دې محتسب په وینا؛ امام حسین (ع) یو ځوان مسلمان ته چې ویني چې دین یې په خطر کې دی او کفر او استبداد یې د تباهۍ لپاره لاسونه سره یو کړي دي، باید ودریږي او خپل دین او ارزښتونه تر خپل ژوند پورته وګڼي.
 
دده په وینا؛ امام حسين (ع) يوازې په شيعه او سني پورې اړه نه لري. څوک چې د ایمان نعره ولګوي، امام حسین او د رسول الله (ص) اهل بیت د هغه هرڅه دي.
 
د بلخ د دغه استازي په وينا د اسلامي امت د کرامت، واک او غرور راز او کلی د ملت په یووالي او بشپړتیا پورې اړه لري؛ موږ شیعه او سني نه پیژنو، خو د اسلام تر بیرغ لاندې د متقابل احترام، اصل او ارزښتونو په ساتلو سره یو بل وروڼه ګڼو او د یو بل د بدن برخه یو.
 
هغه زیاته کړه: د استعمار مرتکبین غواړي د شیعه او سني په نوم یو بل ووژني.