آوا: محمد بن عبدالرحمن؛ د پنجشنبې په ورځ (د اسد ۱۳) د قطر د بهرنیو چارو وزیر په یوه ټویټ کې د امریکا د بهرنیو چارو له وزیر انتوني بلینکن سره د لیدنې په اړه اعلان وکړ او ویې ویل چې دا لیدنه د کمبودیا د غونډې په څنډه کې شوې ده.

 

د قطر د بهرنیو چارو وزیر په خپل ټویټ کې ویلي، چې په دې کتنه کې د ایران د اټومي پروګرام په اړه د وروستیو پرمختګونو او د افغانستان پر وضعیت خبرې وشوې.

 

دا غونډه په داسې حال کې کېږي چې تېره اوونۍ امریکا هغه کور په نښه کړ چې ویل کېږي د القاعده شبکې مشر ایمن الظواهري په کې اوسېده.

 

اسلامي امارت د دغه برید په غندلو سره امریکا د دوحې د سولې له تړون څخه په سرغړونې تورنه کړه.