آوا - مقدس مشهد: حجت الاسلام والمسلمین سید محمد هاشمی راستی په مشهد مقدس کې د تبیان د کلتوری او ټولنیزو فعالیتونو د مرکز د نمایندګۍ دفتر مشر، د غدیر خم د اختر د نمانځلو په مراسمو کې چې په دې کتنه کې چې د دغه مرکز د شهید مصباح د غونډو په تالار کې جوړه شوې وه، وویل: د غدیر خم پیښه د اسلامي امت او ټول بشریت لپاره یوه له راتولونکي چوړونکو پیښو څخه دي.

هاشمي په دې مراسمو کې غدير د امت د يووالي سمبول او د امت د وحدت نښه ده تر سرليک لاندې د علماوو، معلمانو، محصلينو، د مهاجرينو د مخورو شخصيتونو او د آستان قدس رضوي د مسئولينو په شتون کې وويل: "دښمنان تل هڅه کوي، چې موږ او زموږ عقيدې بېلې کړي، دوی تل هڅه کوي، چې قومي، نژادي، سمتي او ژبني تعصبونه پیدا کړي او زموږ ټولنه او خلک تل له دې کړاو سره مخ شوي دي.
 هاشمي ټینګار وکړ: د ولایت برکت تر ټولو لوی نعمت دی، چې د ولایت په برکت پای ته رسیږي، او ولایت د خدای له لوري خوښ شوی دی.
 
دغه ديني عالم وويل: هيله لرم چې دغه روښانې به زموږ لپاره يوه يادونه وي او د تير تاريخ له څيړنې څخه درس واخلو او د فردي او ټولنيز ژوند په لور د حرکت په لاره کې هلې ځلې وکړو. که موږ د امامانو د واک پر بنسټ پرېکړې وکړو، تګلارې جوړې کړو او حرکت وکړو، خامخا به ښې پایلې ترلاسه کړو. ځکه همدا د خلاصون لاره ده، ځکه چې په دنیا او آخرت کې زموږ نېکمرغي په دی کي ده.