د روسيې د لومړي وزير په امر دغه هېواد د اروپا د شورا له څو تړونونو څخه ووت.

آوا، د دغه فرمان له مخې روسیه له نشه يي توکو او اعتیاد سره د مبارزې په برخه کې د اروپا د نړیوالې همکارۍ له شورا او د طبیعي پیښو د مخنیوي او ساتنې په برخه کې د همکارۍ د تړونونو څخه وتلي.
 
د تاس خبري آژانس د راپور له مخې، پر دې سربېره، روسیه به نور د اروپا د کلتوري ملاتړ صندوق او د اروپا د غږیزو څارونکو په شورا کې ګډون ونه کړي.
 
روسیه ۲۶ کاله وړاندې د اروپا له شورا سره یوځای شوه او له ۱۹۹۶ کال راهیسې دغه هېواد له دې شورا سره څو تړونونه لاسلیک کړي دي.
 
په اوکراین کې د جګړې له پیلېدو وروسته د روسیې او اروپايي هېوادونو تر منځ د کړکېچ له زیاتېدو او د اروپا په شورا کې د روسیې د غړیتوب د لغوه کولو لپاره د زیاتېدونکو فشارونو په لړ کې، مسکو د ۱۴۰۰ لمریز کال د حوت په میاشت کې اعلان وکړ چې له دې شورا څخه به ووځي.
 
دغه پریکړه لیک د روسیې غړیتوب پای ته رسوي او مسکو ته هم اجازه ورکوي چې د مرګ سزا (عدام) بیا پیل کړي.
 
د Roxit لفظي معنی دا ده چې روسیه به نور د بشري حقونو په اړه د اروپا کنوانسیون لاسلیک کونکی نه وي، او د هغې اتباع به نور نشي کولی د بشري حقونو اروپايي محکمې ته درخواست وسپاري.