په تهران کښې د افغانستان سفیر له آوا سره په مرکه کښې د سږ کال د حج په مراسمو کښې د ګډون لپاره د کډوالو لپاره ۳۰ سهميي ټاکلي دي، او ویې ویل چې افغانستان ته یې د لېږلو هڅې روانې دی.

آوا - تهران: د اسلامی امارت له خوا په ایران کې د مهاجرینو لپاره د حج د سهميي له تخصیص او په حج کې د ګډون لپاره د غوښتونکو له نوم لیکنې وروسته، په تهران کې د افغانستان سفارت د ۳۰ غوره شویو حاجیانو نوملړ اعلان کړ. د تهران او مشهد د مهاجرینو سهمیه د دغو غوښتونکو لپاره هڅې اعلان کړې چې په افغانستان کې دننه سفر وکړي او په حج کې برخه واخلي.
 
په تهران کې د افغانستان د سفارت رئیس عبدالقیوم سلیماني آوا ته وویل: په تهران او مشهد کې د کاندیدانو له جملې څخه ۳۰ تنه غوره شوي، چې ځینې یې پاسپورتونه او په ایران کې اوسیدلو اقامت لري،افغانستان استول شوي دۍ، او ځینې نور چې د نوم لیکنې کارت لري او پاسپورت نه لري شمیر يي ۱۱ تنو ته رسیږي، کار پر شروع دی ترسو افغانستان ته د پاسپورت د ترلاسه کولو لپاره واستول شي.
 
د هغه په ​​وينا، له يادو ٣٠ کسانو څخه پنځو تنو يي د ځینو شخصي مشکلاتو پر اساس د تلو څخه لاس پ سر شوي او يو تن يې د زوړوالي له امله بل کس معرفي کړى، چې د کابل له لوري منل شوى دى.
 
ښاغلي سلیماني څرګنده کړه چې د اسلامي امارت لخوا د سږ کال حج کې د ګډون لپاره په ټولیزه توګه ۵۰ سهمیه په ایران کې کډوالو ته ورکړل شوي چې له دې جملې څخه ۳۰ سهميي د تهران او مشهد لپاره دي.
 
د کرونا ویروس له خپرېدو مخکې په ایران کې د کډوالو لپاره ۱۴۵ سهمیي وې چې په حج کې ګډون وکړي، خو د دې شمېر د زیاتولو غوښتنه شوې وه.
 
سږ کال د افغانستان د سهمیه له ۳۰ زرو څخه ۱۳ زرو ته په کمېدو سره د مهاجرو سهمیه هم کمه شوې ده. د سعودي حکومت سږ کال د حج پر مهال له ۶۵ کلونو د کم عمره کسانو پر حضور بندیز لګولی دی.