د فرانسې د پارلماني ټاکنو د لومړنیو پایلو له اعلان سره سم، هیڅ یو ایتلاف ۵۰ سلنه رایې ونه ګټلې او ټاکنې دویم پړاو ته وځنډول شو.

آوا، د فرانسې د پارلماني ټاکنو د لومړي پړاو پایلې ښيي چې د ولسمشر ایمانویل مکرون ایتلاف ښايي په پارلمان کې مطلق اکثریت له لاسه ورکړي.
 
د فرانسې د کورنیو چارو وزارت د لومړنیو نتیجو له مخې، د انسمبل په نامه ګوند ۲۵،۷۵ سلنه رایې ګټلې دي، په داسې حال کې چې رقیب زرغون او کیڼ اړخي ګوند (NUPES) ۲۵.۶۶ سلنه رایې ګټلي دي.
 
فرانسوي شنونکي په دې باور دي چې د انتخاباتو په دوهم پړاو کې چې راتلونکې اوونۍ ترسره کېږي، د مکرون د پلویانو ایتلاف به د استازو په جرګه کې ډېرې څوکۍ وګټي، خو دا نه ده څرګنده چې د دغو څوکیو شمېر به څومره ته ورسیږي.
 
CNN هم د دې ټاکنو په اړه لیکلي، د ټاکنو دویم پړاو د جون په ۱۹مه ترسره کېږي. او شنونکي وايي چې د مکرون ګوند ښايي د 289 څوکیو اکثریت ونه ګټي، چې هغه د فرانسې لومړنی ولسمشر دی چې د ۲۰۰۰ کال له ټاکنو وروسته یې په پارلمان کې اکثریت نه دی ګټلی.
 
CNN همدارنګه د فرانسې په پارلماني ټاکنو کې د رای ورکونې کمیدو ته اشاره وکړه او زیاته یې کړه چې په وروستیو ټاکنو کې د رای ورکوونکو د ګډون په کچه کې د کمښت لامل شوی، چې د رای ورکوونکو شمیر یې 47٪ ته رسیدلی، چې ترټولو ټیټه رایه اچونه ده، د فرانسې پارلمان په ۱۹۵۸ کې پیل شو کله چې د فرانسې پنځم جمهوریت تاسیس شو. .
 
د راپورونو له مخې په فرانسه کې د ولسمشرۍ ټاکنو په څېر پارلماني ټاکنې هم د دوو پړاوونو پر بنسټ کېږي. که کوم ګوند په لومړي پړاو کې تر ۵۰ سلنې زیاتې رایې ونه ګټي، ټول نوماندان چې لږ تر لږه ۱۲،۵ سلنه رایې لري دویم پړاو ته ولاړ شي.
 
د ولسمشرۍ په ټاکنو کې، چې نږدې یوه نیمه میاشت مخکې ترسره شول، د مکرون اصلي سیالي د ښي اړخې مشرې مارین لوپین وه. خو اوس له پارلماني ټاکنو سره وضعیت بدل شوی او د کیڼ اړخو او شنه اتحاد مشر ژان لوک میلینچون د ولسمشر اصلي سیال بلل شوی دی.
 
د مکرون سيال ائتلاف د مطلق اکثريت (۲۸۹ څوکيو) په لټه کې دی او ميلانچون د صدراعظم په توګه ټاکي.
 
د لومړنیو پایلو له مخې د مارین لوپین ګوند د ۱۸ سلنه رایو په لرلو سره په دریم ځای کې دی.