د اسيا جام د غوراوي سيالۍ دوه ورځې وروسته پيلېږي، چې افغان ملي لوبډله په خپله لومړۍ لوبه کې له هانګ کانګ سره مخامخ کېږي.

آوا، د دغو سیالیو په دوام به د افغانستان د فوټبال ملي لوبډله د چهارشنبې په ورځ (جوزا ۱۸ مه) له هانګ کانګ سره لوبه وکړي.
 
دا لوبه به د هند په کلکته ښار کې د افغانستان پر وخت مازدیګر څلور بجې ترسره شي.
 
افغانستان په اسیايي جام کې د هانګ کانګ، هند او کمبودیا په شان په ګروپ کې دی.
 
دا لوبه په داسې حال کې کېږي چې د هېواد د فوټبال ملي لوبډلې د ویتنام په وړاندې په تیاریو کې ۲-۰ ماتې وخوړه.